Subha ka bhoola (Episode 1)


Departures-copyright-2013-michaela-medina-harlow-thegardenerseden.com_
Sham ka waqt tha. Sab Parindey Apne Gharoon ko wapis laut rahe they, Falak me aik qafle ki tarah apne ghonsolon ki taraf rawan they.Panchiyon ke shoor me bhi aik parsakoon sa manzar tha.Bhoola bhi apne mawaishon ko choti si pahari se le kr wapis laut raha tha ke uski nazarien parindon mein ghum ho gaien, aur wo sochon me koh sa gya.
“Yea Panchi bhi Insano ki tarah Tanha nahi rah saktey.Kaise aik Qafla bana kar aik rah me ghamzan hain sab,kaise gharon ko laut rahe han. Har aik jandar ko Sahara hi chahiye. Insan begair sahare ke,begair sath ke kitna ghabrata ha, kitna Darta ha.Isi sahare ki talash me wo zindagi ki tokhrey kah jata ha. Me ne bhi tu ab tak ki sari zindagi aik Sache yar ki talash me laga di, laken ab tak khud ko tanha hi paya laken sacha yar ab tak ni mil paya. Sab ko Sab se koi matlab hi hota ha.Kushnaseeb hote hain wo log jinko Mukhlis Dost mil jae.”
Bhoola aik seedha sadha sa gareeb sa gadariya tha, jo pechle do saalon se mawaishi sambal raha tha.Uska Walid aik Kisaan tha aur walida aik ghareelo khatoon thi jo ke mazhabi gharane se thein. Bhoole ka asal nam Abdul Kareem tha, Laken wo duneya ki chalaki hosheyari se nawaqif tha jiski waja se ab tak uska koi dost na tha.Usko apne rishtadaron ke nam b yad ni hote they bas shaklien pechan leta tha, jiski waja se sab ne usko Nasamaj samaj kr sare gaon me uska nam “Bhoola” mashoor kr dia tha. Bhoole ne Madrase se bachphan me hi Quran Hifaz kia tha, aur daswien k imtehan pass krne ke bad apne maa baap ka sahara ban gya tha.
“Sab ne aj tak mera mazak hi uraya, Jis per bhi bharosa kia, usi ne bharosey ko tora,Dosti aur muhabat me banda aik lamha bhi apne yar ke begair ni rah sakta,ajkal ke log aise rishte nibhane wale ko waila q kahte han. Dosti yari yea tu nhi hoti ke tum apne yar ki majodgi se chir kaoh.aur uski chahat ka mazak urao. Mera dil karta ha mera koi aisa yar ho jiske sath me din raat batien karon,Wo sari sari raat jage mere sath,balke wo tab tak bilkul na soye jab tak me jag raha hun,Uske pas muje sunne ke leye be inteha waqt majood ho, aur us se aik lamha b door na rahon,aur na wo mujse tang ae, aur na wo mujse jhoot bholey, aur na wo mujse wada torey,na mera dil tore, Jab me usey Yad karon, wo muje sache dil se yad kare, aur meri ghaltiyon per darguzar kare aur mere sudhar jane ka intezar kare. Aisa yar tu sirf kaboon kheyalon me hi basta ho ga, kia hi lutf ho jo aisa yar haqeeqat me ho aur usey meri bhi talash ho aur ham dono aik dosre se mil jaen.”
Bhoola apni sochon me ghum tha k usey apna sar kujlate howe aik keyal sa aya aur khud se kahne laga.”Sabr sabr… Raat ko sone se phele jab me aytul Kursi pharta hun, tu tab me parhta hun ke Allah S.W.T ko tu na mout ati ha, na nend na ung ati ha unko. Madrase me Ustad surah Baqarah me yad karwai thi tu bataya  tha ke Jab tum Allah ko yad karo tu wo tumhe yad karta ha. Quran kahta ha ke beshak Allah ka wada Sacha hota ha, Kitne Nabiyon aur kitne Buzurgon k sath usne apne wade ko sacha nabhaya. aur Phr Allah ke namon me se aik Nam tu Samiullah ha, “sunney Wala” wo tu sab ki sunta ha, matlab ke wo meri b sari batien…Khuda mujse kaise aik lamha b door ho sakta ha, jab ke wo farmate han Surah Hadid me ke tum jahan ho wahan me ho, tumhare sath hi hota hun me, tumhari shah rag se bhi zeyada qareeb hun . Waqt per tu sirf Allah hi Qadir ha,Kaise apne Mahboob S.A.W ko aik raat me arsh pr bolwa lia. Allah ne tu muje kabi meri ghaltiyon per foran saza ni di, balke wo tu Ghafoor aur Raheem ha, Wo tu Tauba karne walon se be inteha Muhabat karta ha. Kitna bewaqoof tha me jo yea sab idher udher talash karta raha , aur wo yar jiski thi arzo wo tu apna Rabb Nikla ”
Bhoola apne kheyalon me ghamzada aur preeshan chalta chalta mawaishiyon ko ghar k pass le aya aur phr achanak uske chehre par aik muskharahat si ah gai. Kuch hi Lamhoon me Maghrib ki Azan hone lagi aur Bhoola kushi se masjid wuzu karne ke leye bagha.

“Subha ka bhoola agar sham ko ghar aye tu usay bhoola nai khetay”

To be Continued…
P.S
the Picture doesn’t belong to me.

Advertisements

10 Comments

Love your Comments

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s